ஈரோடு பெரியார் நகரில் உள்ள முகாம் அலுவலகத்தில் தெற்கு மாவட்ட செயலாளர் சு.முத்துசாமி தலைமையில் கண்டன ஆர்ப்பாட்டம் நடந்தது.

ஈரோடு:-தமிழகத்தில் மின் கட்டண சலுகை கேட்டு திமுக சார்பில் அனைத்து நிர்வாகிகள் வீடுகளில் கருப்புக்கொடி கட்டியும் கையில் கருப்புக்கொடி ஏந்தியும் கண்டன ஆர்ப்பாட்டத்தில் ஈடுபடுவார்கள் என்று திமுக தலைவர் மு.க.ஸ்டாலின் அறிவித்திருந்தார். அதன்படி தமிழகம் முழுவதும் மின் கட்டண சலுகை கேட்டு கண்டன ஆர்ப்பாட்டம் நடந்தது.இதன் ஒரு பகுதியாக ஈரோடு தெற்கு மாவட்ட திமுக சார்பில் வீடுகளில் கருப்பு கொடி ஏற்றியும் கையில் கருப்புக் கொடியுடன் கண்டன ஆர்ப்பாட்டம் நடந்தது. ஈரோடு பெரியார் நகரில் உள்ள முகாம் அலுவலகத்தில் தெற்கு மாவட்ட செயலாளர் சு.முத்துசாமி தலைமையில் கண்டன ஆர்ப்பாட்டம் நடந்தது.இந்த ஆர்ப்பாட்டத்தின் போது வீடுகளில் கருப்பு கொடி கட்டி கையில் கருப்பு கொடியுடன் நிர்வாகிகள் கோஷம் எழுப்பினார்கள்.இதில் பொருளாளர் பழனிச்சாமி, முன்னாள் எம்பி கந்தசாமி, மாநகர செயலாளர் சுப்ரமணியம் ,பெரியார் நகர் பகுதி செயலாளர் அக்னி சந்துரு ,முருகேசன் உள்பட நிர்வாகிகள் முககவசம் அணிந்து சமூக இடைவெளியுடன் கண்டன ஆர்ப்பாட்டத்தில் ஈடுபட்டனர்.