அரசு மருத்துவமனையில் சிகிச்சை பெற்றுவரும் பரமக்குடி எம்எல்ஏ. வாட்ஸ்அப் ட்விட்டரில் குவியும் பாராட்டுக்கள்

அரசு மருத்துவமனையில் சிகிச்சை பெற்றுவரும் பரமக்குடி எம்எல்ஏ. வாட்ஸ்அப் ட்விட்டரில் குவியும் பாராட்டுக்கள்  பரமக்குடி சட்டமன்ற உறுப்பினர் சதன் பிரபாகர் அவரது மகன் அவரது உதவியாளர் ஆகிய 3 பேருக்கும் கொரோனா தொற்று ஏற்பட்டு ராமநாதபுரம் அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனர். எம்எல்ஏ சதன் பிரபாகரை தமிழக முதல்வர் எடப்பாடி பழனிச்சாமி, சுகாதாரத்துறை அமைச்சர் விஜயபாஸ்கர் ,வருவாய் துறை அமைச்சர் ஆர்.பி.உதயகுமார், ராமநாதபுரம் மாவட்ட கழக செயலாளர் எம்.ஏ.முனியசாமி உள்பட அதிமுக நிர்வாகிகள் தொலைபேசியில் தொடர்பு கொண்டு ஆறுதல் கூறி வருகின்றனர். சட்டமன்ற உறுப்பினரே கொரோனா சிகிச்சைக்காக அரசு மருத்துவமனையில் அனுமதிக்கப்பட்டு சிகிச்சை பெற்று வருவது சாதாரண மக்களுக்கும் நம்பிக்கை ஏற்படுத்தியுள்ளது. அரசு மருத்துவமனையில் தரமான சிகிச்சை அளிக்கப்பட்டு வருகிறது என்று மக்கள் உணர வேண்டும் என்ற எண்ணத்தில் தான் அரசு மருத்துவமனையில் சிகிச்சை பெற்று வருகிறேன் என சதன் பிரபாகர் எம்எல்ஏ கூறினார். இதேபோல் கொரோனா தோற்று பாதிக்கப்பட்டவர்களும் எவ்வித அச்சமுமின்றி அரசு மருத்துவமனைகளில் தரமான முறையில் சிகிச்சை பெற்று வந்தால் நோயை விரட்டலாம் என அவர் மேலும் தெரிவித்துள்ளார் .சாதாரன நோய் ஏற்ப்பட்டாலே பெரிய மருத்துவமனைகளை நாடி செல்லும் அரசியல் பிரமுகர்கள் மத்தியில் அரசு மருத்துவமனையை நாடி சென்று எம்எல்ஏ சதன் பிரபாகரனின் இந்த செயலை பாராட்டி வாட்ஸ் அப்பிலும் டுவிட்டரிலும் ஏராளமானோர் வாழ்த்தியும், பாராட்டியும் வருகின்றனர்.