பரமக்குடி அருகே மணல் அள்ளி வந்த லாரியை தடுத்தவர் மீது வழக்கு தாசில்தார் அலுவலகத்தை முற்றுகையிட்ட கிராம மக்கள்

பரமக்குடி அருகே மணல் அள்ளி வந்த லாரியை தடுத்தவர் மீது வழக்கு தாசில்தார் அலுவலகத்தை முற்றுகையிட்ட கிராம மக்கள் சிவகங்கை மாவட்டம் இளையான்குடி தாலுகா குறிச்சி கிராமத்தில் இருந்து தினமும் ஏராளமான லாரிகளில் சவுடு மண் அள்ளிக் கொண்டு கமுதக்குடி வைகை ஆற்று வழியாக லாரிகள் வருகின்றனர். இதனால் அந்த பகுதிகளில் உள்ள சாலைகளில் பாலம் மிகவும் சேதம் அடைந்து வருகிறது .மேலும் அதன் வழியாக வரும் குடிநீர் குழாய்கள் உடைந்து கிராம மக்களுக்கு சீரான முறையில் குடிநீர் வருவதில் சிக்கல் ஏற்பட்டுள்ளது. இதை அறிந்த கமுதக்குடி கிராம மக்கள் சவுடு மண் அள்ளிவந்த லாரிகளை வழிமறித்துள்ளனர். இதைப் பற்றி தகவல் அறிந்ததும் பரமக்குடி டி.எஸ்.பி. வேல்முருகன், மற்றும் போலீசார் கடந்த சில தினங்களுக்கு முன்பு சம்பவ இடத்திற்கு சென்று அவர்களுடன் பேச்சுவார்த்தை நடத்தி உள்ளனர். அதைத்தொடர்ந்து லாரிகளை மறைத்த கமுதக்குடி ஊராட்சி மன்ற தலைவரின் கணவர் மோகன் என்பவர் மீது போலீசார் வழக்கு பதிவு செய்துள்ளனர். இந்நிலையில் அந்த வழக்கு பதிவை ரத்து செய்யக்கோரி கமுதக்குடி கிராம மக்கள் திரண்டு பரமக்குடி தாலுகா அலுவலகம் முன்பு முற்றுகைப் போராட்டம் நடத்தினர். பின்பு தாசில்தார் சேகரிடம் கோரிக்கை மனு அளித்தனர் பின்பு ஆர்.டி.ஓ ,டி.எஸ்.பி ,ஆகியோரிடமும் இந்த கோரிக்கையை வலியுறுத்தி வழக்கு பதிவை ரத்து செய்ய கோரி மனு அளித்தனர்.