விருதுநகர் மாவட்டம், சாத்தூர் அருகே உள்ள சங்கரபாண்டியபுரம் பகுதியில் நாட்டு புற நையாண்டி மேள இசை கலைஞர்கள் தமிழக அரசுக்கு கோரிக்கை

நாட்டு புற நையாண்டி மேள இசை கலைஞர்கள் தமிழக அரசுக்கு கோரிக்கை. விருதுநகர் மாவட்டம், சாத்தூர் அருகே உள்ள சங்கரபாண்டியபுரம், பகுதியில் நாட்டு புற நையாண்டி மேள இசை கலைஞர்கள் 30 க்கு‌ம் மே‌ற்ப‌ட்டோ‌ர் வசித்து வருகிறார்கள்.தற்போது கொரானோ எனும் கொடிய நோய் காரணமாக, தமிழகத்தில் அனைத்து தொழில்களும் முடங்கிப் போய் கிடக்கின்றன. இதனால் தமிழக அரசு முழு ஊரடங்கு உத்தரவு பிறப்பித்து, கடந்த 3 மாதங்களாக திருவிழா, திருமணம் போன்ற நிகழ்ச்சிகளுக்கு கட்டுபாடுகள் விதிக்கப்பட்டுள்ளது. இதனால் தங்கள் வாழ்வாதாரமான நாட்டு புற நையாண்டி மேள இசை கலை நிகழ்ச்சிகள் இன்றி இவர்கள் தவிக்கின்றனர். ஆகவே வாழ்வாதாரத்தை இழந்து தவிக்கும் தங்களுக்கு உரிய நிவாரணம் வழங்க தமிழக அரசுக்கு அவர்கள் கோரிக்கை வைத்துள்ளனர்..