விருதுநகர் மாவட்டம், சிவகாசி ஊராட்சி ஒன்றியம், விஸ்வநத்தம் ஊராட்சிக்குட்பட்ட பகுதிகளுக்கு சீவலப்பேரி கூட்டுக்குடிநீர் திட்டத்திலிருந்து குடிநீர் விநியோகம் செய்ய ஏதுவாக புதியதாக உந்து நிலையம் கட்டுவதற்கு பூமி பூஜை போட்டு கட்டுமான பணிகளை பால்வளத்துறை அமைச்சர் கே.டி.ராஜேந்திர பாலாஜி இன்று தொடக்கி வைத்தார்.

விருதுநகர் மாவட்டம், சிவகாசி ஊராட்சி ஒன்றியம், விஸ்வநத்தம் ஊராட்சிக்குட்பட்ட பகுதிகளுக்கு சீவலப்பேரி கூட்டுக்குடிநீர் திட்டத்திலிருந்து குடிநீர் விநியோகம் செய்ய ஏதுவாக புதியதாக உந்து நிலையம் கட்டுவதற்கு பூமி பூஜை போட்டு கட்டுமான பணிகளை பால்வளத்துறை அமைச்சர் கே.டி.ராஜேந்திர பாலாஜி இன்று தொடக்கி வைத்தார். சிவகாசி தமிழ்நாடு அரசுப் போக்குவரத்து பணிமனை வளாகம் எதிரில் நடைபெற்ற இந்நிகழ்சிக்கு மாவட்ட கலெக்டர் கண்ணன் தலைமை வைத்தார். நிகழ்ச்சியில் சப்-கலெக்டர் தினேஷ்குமார், தாசில்தார் வெங்கடேசன், யூனியன் ஆணையாளர்கள் ராமமூர்த்தி, ரவி, விஸ்வநத்தம் ஊராட்சி மன்ற தலைவர் நாகராஜ், சிவகாசி அதிமுக ஒன்றிய கழகச் செயலாளர்கள் புதுப்பட்டி கருப்பசாமி, பலராம், மாவட்ட இளம்பெண் இளைஞர் பாசறை செயலாளர் ஆரோக்கியராஜ், பொதுக்குழு உறுப்பினர் பாபுராஜ், ஒன்றிய கவுன்சிலர் நாகூர் கனி, ஸ்ரீவில்லிபுத்தூர் முன்னாள் நகர கழக செயலாளர் முத்துராஜ், விஸ்வநத்தம் ஊராட்சி செயலாளர் செல்வம், ஆணையூர் ஊராட்சி செயலாளர் நாகராஜ், சிவகாசி எம்ஜிஆர் இளைஞர் அணி செயலாளர் கார்த்திக், ஒன்றிய இளைஞரணி செயலாளர் சங்கர் உட்பட கட்சி நிர்வாகிகள் கலந்து கொண்டனர்.