பரமக்குடி காவல்துறை சார்பில் கொரோனா விழிப்புணர்வு பிரச்சாரம் - நகர் காவல் ஆய்வாளர் திருமலை கொடி அசைத்து துவக்கி வைத்தார்.

பரமக்குடி காவல்துறை சார்பில் கொரோனா விழிப்புணர்வு பிரச்சாரம் - நகர் காவல் ஆய்வாளர் திருமலை கொடி அசைத்து துவக்கி வைத்தார். பரமக்குடியில் கொரோனா தொற்றால் பாதிக்கப் படுபவர்களின் எண்ணிக்கை நாளுக்குநாள் அதிகரித்து வருகிறது.இதனால் பொதுமக்கள் இடையே பெரும் அச்சத்தை ஏற்படுத்தியுள்ளது. இதைத் தொடர்ந்து பரமக்குடி நகர் காவல்துறை சார்பில் கொரோனா தொற்றில் இருந்து அனைவரும் தங்களை பாதுகாத்துக் கொள்ளும் வகையில் விழிப்புணர்வு ஏற்படுத்தினர்.பொதுமக்கள் அனைவரும் முகக்கவசம் அணிந்து கொள்ள வேண்டும்,சமூக இடைவெளியை அவசியம் கடைப்பிடிப்பதுடன் அடிக்கடி சோப்பு அல்லது சானிடைசர் மூலம் நன்றாக கழுவ வேண்டும் என்பதை வலியுறுத்தி பரமக்குடி பஸ் நிலையம் முன்பு பொதுமக்களுக்கு விழிப்புணர்வு துண்டு பிரசுரங்களை வழங்கினர். மேலும் ஆட்டோக்களில் ஒலி பெருக்கிகளில் காவலர்கள் மூலம் கொரோனா விழிப்புணர்வு ஏற்படுத்தினர்.முன்னதாக நகர் காவல்துறை ஆய்வாளர் திருமலை விழிப்புணர்வு வாகனங்களை கொடி அசைத்து துவக்கி வைத்தார்.அனைத்து மகளிர் காவல்நிலைய ஆய்வாளர் அமுதா,நகர் காவல் நிலைய சார்பு ஆய்வாளர் ராமசுப்பிரமணியம், சிறப்பு சார்பு ஆய்வாளர் குமரேசன், போக்குவரத்து காவல் ஆய்வாளர் அறிவழகன் உள்பட காவல் துறையினர்,பொதுமக்கள் திரளாக கலந்து கொண்டனர்.