முதுகுளத்தூர் கொரோனா தடுப்பு பணியில் ஈடுபட்டு மரணம் அடைந்த வருவாய்த்துறை ஊழியர்களுக்கு 50 லட்சம் வழங்கக் கோரி முதுகுளத்தூர் தாலுகா ஆபிஸ் முன்பு வருவாய்த்துறையினர் ஆர்ப்பாட்டம்

முதுகுளத்தூர் கொரோனா தடுப்பு பணியில் ஈடுபட்டு மரணம் அடைந்த வருவாய்த்துறை ஊழியர்களுக்கு 50 லட்சம் வழங்கக் கோரி முதுகுளத்தூர் தாலுகா ஆபிஸ் முன்பு வருவாய்த்துறையினர் ஆர்ப்பாட்டம் செய்தனர். முதுகுளத்தூர் தாலுகா அலுவலகம் முன்பு நடைபெற்ற ஆர்ப்பாட்டத்திற்கு தாசில்தார் முருகேசன் தலைமை வகித்தார். தாலுகா வழங்கல் அலுவலர் சடையான்டி முன்னிலை வகித்தார் வட்ட கிளை தலைவர் தர்மர் அனைவரையும் வரவேற்றார் . கொரோனா பணியில் ஈடுபட்டு மரணம் அடைந்த வருவாய்த்துறை ஊழியரின் குடும்பத்திற்கு 50 லட்சம் வழங்கக் கோரியும் ராமநாதபுரம் மாவட்டத்தில் கொரோனா பணியில் ஈடுபட்டு பாதிக்கப்பட்டுள்ள வருவாய்த்துறை ஊழியர்களுக்கு உடனடியாக 2 லட்சம் வழங்கக் கோரியும் ஆர்ப்பாட்டத்தில் கோஷமிட்டனர். ஆர்ப்பாட்டத்தில் துணை தாசில்தார் அமர்நாத், சந்திரன் , பெரியசாமி உள்பட பலரும் கலந்து கொண்டனர்