அனைத்து கைத்தறி நெசவாளர்களுக்கு கொரோனா நிவாரண நிதி ரூ 2 ஆயிரம் - பரமக்குடி கைத்தறி உதவி இயக்குநர் அலுவலகம் முன்பு நெசவாளர்கள் ஆர்ப்பாட்டம்.

பரமக்குடி - எமனேசுவரம் அனைத்து கைத்தறி நெசவாளர் கூட்டுறவு சங்கங்களின் பெடரேசன் சார்பில் அமைப்புசாரா நலவாரியத்தில் பதிவு செய்யாத அனைத்து நெசவாளர்களுக்கும் கொரோனா நிவாரண நிதி ரூ 2 ஆயிரம் வழங்க வேண்டும் என்பதை வலியுறுத்தி நெசவாளர்கள் ஆர்ப்பாட்டம் செய்தனர். பரமக்குடி உதவி கைத்தறி அலுவலகம் முன்பு நடந்த ஆர்ப்பாட்டத்திற்கு பெடரேசன் தலைவர் சேஷய்யன் தலைமை தாங்கினார்.துணைத் தலைவர் நாகநாதன்,நிர்வாகக்குழு உறுப்பினர்கள் குமார்,முருகன், முரளி ஆகியோர் முன்னிலை வகித்தனர். பெடரேசன் செயலாளர் கோதண்டராமன் ஆர்ப்பாட்டத்தை துவக்கி வைத்தார்.முகக் கவசம் அணிந்து கலந்து கொண்ட கைத்தறி நெசவாளர்கள் அமைப்புசாரா நலவாரியத்தில் பதிவு செய்யாத அனைத்து கைத்தறி நெசவாளர்களுக்கும் கொரோனா நிவாரண நிதி ரூ 2 ஆயிரம் வழங்க வேண்டும் என்பதை வலியுறுத்தி கோஷமிட்டனர்.பெடரேசன் செயலாளர் ருக்மாங்கதன் நன்றி கூறினார். பின்பு பெடரேசன் சார்பில் உதவி கைத்தறி இயக்குநரிடம் கோரிக்கை மனு அளித்தனர். தொடர்ந்து இக் கோரிக்கையை வலியுறுத்தி 23 ம்தேதி பரமக்குடி தாலுகா அலுவலகம் முன்பும்,24 ம்தேதி எமனேசுவரம் நேருஜி மைதானம் முன்பும் நெசவாளர்கள் ஆர்ப்பாட்டத்தில் ஈடுபடுகின்றனர்.