பரமக்குடியில் நேற்று ஒரே நாளில் 15 பேருக்கு கொரோனா - பெண் ஒருவர் பலி

பரமக்குடியில் நேற்று ஒரே நாளில் 15 பேருக்கு கொரோனா - பெண் ஒருவர் பலி பரமக்குடி, ஜூன்.24: பரமக்குடியில் கொரோனா பாதிப்பால் 30 பேர் பாதிக்கப்பட்டு மருத்துவமனையில் சிகிச்சை பெற்று வருகின்றனர் இந்நிலையில் நேற்று மட்டும்15 பேர் கொரோனாவால் பாதிக்கப் பட்டுள்ளனர்.இதனால் பாதிக்கப் பட்டவர்கள் வசிக்கும் பகுதிகளில் போலீசார், நகராட்சியினர் தடுப்பு வேலிகள் மூலம் அடைத்து வருகின்றனர். இதனிடையே பரமக்குடி நகராட்சிப் பகுதியில் கொரோனா பரவலை தடுக்கும் வகையில் அனைத்து கடைகளும் நேற்று முதல் இம்மாதம் 30 ம்தேதி வரை காலை 6 மணி முதல் மாலை 5 மணி வரை மட்டும் திறந்திருக்க போலீசார் அனுமதி வழங்கி உள்ளனர். கடந்த சில தினங்களுக்கு முன்பு பரமக்குடி பாரதி நகரைச் சேர்ந்த ஒரு பெண் வயது 45 என்பவர் கடும் காய்ச்சலால் பாதிக்கப்பட்டு தனியார் மருத்துவமனையில் சிகிச்சை பெற்று வந்துள்ளார். இந்நிலையில் நேற்று மதியம் பரமக்குடி அரசு மருத்துவமனைக்கு கொண்டு செல்லப்பட்டு அங்கு அவருக்கு கொரோனா சோதனை செய்யப் பட்டது.அங்கு அவருக்கு கொரோனா தொற்று இருப்பது உறுதி செய்யப் பட்டுள்ளது. இதையடுத்து தொடர்ந்து சிவகங்கை அரசு மருத்துவமனைக்கு கொண்டு செல்லப் பட்டார். ஆனால் செல்லும் வழியிலேயே பரிதாபமாக இறந்துவிட்டார்.இச்சம்பவம் பரமக்குடி பகுதியில் பெரும் பரபரப்பை ஏற்படுத்தியுள்ளது. பொதுமக்கள் யாரும் தேவையின்றி வெளியில் வர வேண்டாம் என போலீசார் எச்சரிக்கை விடுத்து வருகின்றனர்.