போகலூர் ஊராட்சியில் ரூ 15 லட்சம் செலவில் குடிநீர் சுத்திகரிப்பு நிலையம் : குடிநீரை வீணாக்காமல் சிக்கனமாக பயன் படுத்த வேண்டும் - ஊராட்சி மன்றத் தலைவர் கலையரசி பாலசுப்பிரமணியன் அறிவுரை.

பரமக்குடி அருகேயுள்ள போகலூர் ஊராட்சியில் 14 வது நிதிக்குழு திட்டத்தின் கீழ் ரூ 15 லட்சம் செலவில் புதிய குடிநீர் சுத்திகரிப்பு நிலைய துவக்க விழா நடந்தது. விழாவிற்கு போகலூர் ஊராட்சி மன்ற தலைவர் கலையரசி பாலசுப்பிரமணியன் தலைமை தாங்கி குடிநீர் சுத்திகரிப்பு நிலையத்தை துவக்கி வைத்து பேசுகையில், கிராம மக்கள் அனைவரும் பயன்படும்படி இந்நிலையம் துவக்கி வைக்கப் பட்டுள்ளது. இதன் மூலம் கிராம மக்கள் ஒரு குடம் தண்ணீர் ரூ 5 வீதம் எடுத்து பயன் பெறலாம். மேலும் குடிநீரை வீணாக்காமல் தேவைக்கு ஏற்ப பயன்படுத்தி சிக்கனமாக பயன் படுத்தி கொள்ள வேண்டுமென கூறினார். முன்னதாக, மாவட்ட கவுன்சிலர் முருகேசன், போகலூர் ஊராட்சி ஒன்றிய துணைத் தலைவர் வக்கீல் பூமிநாதன்,ஒன்றிய கவுன்சிலர் கதிரவன்,ஒன்றிய தி.மு.க. பொருளாளர் குணசேகரன் ஆகியோர் முன்னிலை வகித்தனர். ஊராட்சி செயலாளர் பழனி வரவேற்றார். போகலூர் ஊராட்சியின் துணைத் தலைவர் லலிதா கண்ணன்,ஒன்றிய மற்றும் பிரமுகர்கள்,கிராம மக்கள் திரளாக கலந்து கொண்டனர்.