சேலம்..
கொரோனா தடுப்பு நடவடிக்கையாக தூய்மை பணியில் ஈடுபடும் தூய்மைப் பணியாளர்கள் அனைவரும் முகக் கவசங்கள் இன்றி பணியில் ஈடுபடக் கூடாது என சேலம் மாநகராட்சி ஆணையாளர் சதீஷ் உத்தரவு..
சேலம் மாநகராட்சிக்கு உட்பட்ட நான்கு மண்டலங்களில் பணியாற்றும் 2000 தூய்மை பணியாளர்களுக்கு தேவையான முகக் கவசங்கள் மற்றும் கைகளுக்கான கிருமிநாசினி வழங்கப்பட்டுள்ளது...
தமிழக அரசின் 144 தடை உத்தரவை சேலம் மாநகரில் நிறைவேற்றும் வகையில் மாநகராட்சி நிர்வாகம் தயார் நிலையில் உள்ளது.முகக் கவசம் அணியாமல் தூய்மைப் பணியாளர்கள் பணியில் ஈடுபடக் கூடாது என சேலம் மாநகராட்சி ஆணையாளர் சதீஷ் உத்தரவிட்டுள்ளார்...
கொரோனா தடுப்பு நடவடிக்கையாக தமிழகத்தில் இன்று மாலை 6 மணி முதல் வரும் மார்ச் 31-ஆம் தேதி வரை 144 தடை உத்தரவு அமல் படுத்தப்படுகிறது. இந்நிலையில் சேலம் மாநகரில் தூய்மைப் பணியில் ஈடுபடும் பணியாளர்களுக்கு தேவையான பாதுகாப்பு உபகரணங்களை மாநகராட்சி ஆணையாளர் சதீஷ் வழங்கினார். தொடர்ந்து பாதுகாப்பு உபகரணங்களை பயன்படுத்தும் வழிமுறைகள் குறித்தும், அதன் அவசியம் குறித்தும் பணியாளர்களுக்கு விளக்கினார். மேலும் சேலம் மாநகரில் தூய்மைப் பணியில் ஈடுபடும் 2000 பணியாளர்களுக்கும் தேவையான பாதுகாப்பு உபகரணங்கள் வழங்கப்பட்டுள்ளதாக தெரிவித்துள்ள ஆணையாளர் முகக் கவசங்கள் அணியாமல் பணியாளர்கள் யாரும் பணியில் ஈடுபடக் கூடாது என உத்தரவிட்டுள்ளார். மேலும் கொரோனா தடுப்பு நடவடிக்கையாக தூய்மை பணியில் ஈடுபடும் பணியாளர்களுக்காக வாரம் ஒரு முறை சிறப்பு மருத்துவ முகாம் நடத்த ஏற்பாடு செய்யப்பட்டு உள்ளதாகவும் தெரிவித்துள்ள அவர் தமிழக அரசின் 144 தடை உத்தரவை சேலம் மாநகரில் முற்றிலும் நிறைவேற்றும் வகையில் மாநகராட்சி நிர்வாகம் தயார் நிலையில் உள்ளதாகவும் தெரிவித்துள்ளார்.
